Studimi i kryer në Institutin e Teknologjisë në Gjeorgji tregoi se sa më e madhe të jetë bebja e syrit, aq më e lartë është inteligjenca.
Rezultatet befasuan gjithashtu shkencëtarët, të cilët e zbuluan këtë duke studiuar ndryshimet në madhësinë e bebes së syrit midis njerëzve që shënuan rezultatet më të larta në testet njohëse dhe atyre që shënuan më pak. Sipas tyre, ndryshimi është mjaft i madh për t’u parë me “sy të lirë”.
Pse madhësia e bebeve lidhet me nivelin e inteligjencës?
Për t’iu përgjigjur pyetjes se përse madhësia e bebëzës është e lidhur me inteligjencën, duhet të kuptojmë se çfarë procesesh ndodhin në tru. Madhësia e bebëzës lidhet me aktivitetin në locus coeruleus, një zonë e vendosur në pjesën e sipërme të trurit që ka lidhje nervore me pjesën tjetër të trurit.
Locus coeruleus liron norepinefrinën, e cila vepron si një neurotransmetues, dhe rregullon procese të tilla si perceptimi, vëmendja, të mësuarit dhe kujtesa. Ai ndihmon në ruajtjen e një organizimi të shëndetshëm të aktivitetit të trurit, në mënyrë që rajonet e largëta të trurit të mund të punojnë së bashku për të arritur detyra dhe qëllime sfiduese.
Mosfunksionimi i locus coeruleus është raportuar në disa sëmundje, duke përfshirë sëmundjen e Alzheimerit. Një nga hipotezat është se njerëzit që kanë bebëza më të mëdha kanë rregullim më të madh të aktivitetit në locus coeruleus, gjë që ndikon në performancën njohëse dhe funksionin e trurit në pushim.
Por për të konfirmuar këtë korrelacion dhe për të gjetur pse njerëzit me bebëza më të mëdha shoqërohen me inteligjencë më të lartë, nevojiten kërkime të mëtejshme
Discussion about this post