Një gropë është bërë shkak për të marrë jetën e 22-vjeçarit në Angli. Ky ishte vendimi që gjykata e Maidstone shpalli këtë të mërkurë, për vdekjen e Algert Lleshit në qytetin e Ashford, pesë muaj më parë.
Kalimtarët e rastit që panë ngjarjen, dëshmuan se i ndjeri po udhëntonte me biçikletë dhe papritmas u rrotullua duke u përplasur në tokë.Fillimisht, mësohet se i riu shqiptar ra pa ndjenja, por sipas dëshmitarëve u përmend pas rreth 7 minutave, ku u ndihmua nga një infermiere që ishte prezente në ngjarje.Në momentin që mbërriti ambulanca, 22-vje 22-vjeçari po priste i ulur për të marrë ndihmën e specializuar.
Ndonëse i vetdijshëm, Algert Lleshi teksa po futej në ambulancë ankohej për dhimbje koke duke kërkuar qetësues.Ishte ky momenti kur dëshmitarët tregojnë se ai humbi sërish ndjenjat.Pas dërgimit në spital, u zbulua se si pasojë e goditjes së marrë, 22-vjeçari kishtë pësuar një dëmtim traumatik në tru.
Gjendja e tij u përkeqësua dhe u transferua në spitalin “King’s College” ku iu nënshtrua një operacioni urgjent. Për fat të keq operacioni nuk shkoi mirë dhe i riu u shpall i vdekur 3 ditë pas aksidentit, më 5 qershor 2021.
Katrina Hepburn, ndihmës-mjeke ligjore tha në gjykatë se me shumë mundësi i riu shqiptar nuk e kishte parë gropën e thellë në rrugë dhe se ky është shkaku i aksidentit.
Discussion about this post