John Alite, rrëfeu pjesë të jetës, gjatë kohës kur ka qenë pjesë e “malavitës”. Shqiptari tregoi se si e ndryshoi burgu dhe dënimet, ku tregoi se edhe miqtë e tij e tradhtuan.
“Kur miqtë më tradhtuan e kuptova që kjo jetë ishte non-sens. Nuk të shohin ty si person, por vetëm si gangster.
Të duhet të rishpikësh vetveten dhe të të pranojnë njerëzit që me vërtetë të duan. Njerëzit mendojnë se je vetëm gangster e asgjë tjetër.
Në Brazil më shumë se kamp përqendrimi, burgu është torturë. Në burgje atje, dhuna është midis të burgosurve dhe gardianëve, ka dhunë e përdhunime që ushtrohen nga gardianët e tek të burgosurit.
Njerëzit mendojnë se vetëm dhuna të bën të mbijetosh, por në fakt është inteligjenca,” tregoi Alite.
“99% e djemve që janë pjesë e mafias nuk kanë lekë, janë frikacakë dhe të pabesë”
Alite foli gjithashtu për gjenratën e re të keqbërësve, duke thënë se të rinjtë gënjëhen nga kjo botë.
“Ekziston një keqkuptim i madh. 99/9% i të rinjve në Amerikë që janë pjesë e Mafias, janë pa kokërr leku.
Janë budallenj, egoistë, si dhe nuk janë besnikë. Vetëm 1-2% e tyre, që janë shumë të zgjuar, ia dalin në atë botë, ia dalin.
Ndryshe nga çfarë projektohet në filma, nuk është aspak e vërtetë. Ata duan të të fusin ty në këtë botë, ndërsa për fëmijët e tyre nuk e duan.
Unë jam rrahur, qëlluar, goditur me thikë e me shkopa bejsbolli, jam torturuar në burgje. Kjo është ajo që ndodh realisht,” deklaroi ish-pjesëtari i mafies italiane./SHQIP
Discussion about this post