Kryedemokrati Sali Berisha vazhdon takimin me intelektualët në Vlorë, nga ku ka thënë se politika që po ndjekë qeveria është më e dëmshme se tërmeti dhe pandemia. Ai ka evidentuar problemet më e të cilat përballen sot operatorët turistikë duke u shprehur se është vjedhja ajo që po rrënon turizmin shqiptar. Sipas Berishës, këtë vit vendet turistike janë më shumë të boshatisura në krahasim me vitet 2020-2021, kur ishim nën rrezikun e pandemisë,
“Por të dashur miq nëse ndalemi turizmin këtë vit, i cili është një vit jashtë Covidit pothuajse, arrijmë në përfundimin e hidhur se edhe kjo pasuri i pakrahasueshme kombëtare po shndërrohet në një mallkim për shqiptarët. Sot ky vit është me kapacitetet të boshatisura si kurrë më parë. Ata të cilët investuan jetën e tyre, mundin e djersën në kapacitete turistike, këtë vit shumë prej tyre mendojnë si ti shesin.
Si të shpëtojnë nga falimenti dhe barra e tyre. Nuk ka një sektor tjetër ekonomik të rëndësishëm, punëson mbi çerek milioni qytetarë. Me anekse e me të tjerat është gjenerator kryesor, por ja ku jemi. Kapacitetet e korrik ishin as gjysmë të shfrytëzuara. kapacitetet shfrytëzoheshin kryesisht në weekend”, shkruan ai.
Sipas tij, shkaku i vetëm është rritja e çmimeve të ushqimeve, energjisë dhe karburantit, çka rrjedhimisht kanë detyruar operatorët të rrisin çmimet e shërbimeve për turistët dhe këta të fundit ankohen për faturat e kripura.
“Ankesat janë dhe çmimet janë më të shtrenjta se arsyeja, por po këto operatore vjet kishin të tjera çmime. Sot këtu ushqimet kushtojnë 7-10 përqind më shtrenjtë se në BE. Kjo është e dhënë e EUROSTAT-it. A ka marrë një masë kjo qeveri për të ndihmuar turizmin? Çfarë fondesh janë për të ndihmuar operatorët turistikë në këtë verë me probleme? Asgjë. Po e rrënon vjedhja turizmin dhe Shqipërinë”, tha ai.
Discussion about this post