Mbrojtësi senegalez Kalidou Koulibaly (KK) u largua nga Chelsea i Londrës pas vetëm një sezoni, duke u transferuar në Superligën e Arabisë Saudite.
Ish-kapiteni i Napolit e ka pranuar se te Al Hilali i Riadit ka shkuar për para, pasi me to do të mund të ndihmojë familjen e tij.
“Nuk mund ta mohoj. Unë do të jem në gjendje të ndihmoj të gjithë familjen time që të jetojë mirë, nga prindërit e mi te kushërinjtë e mi, dhe të mbështes aktivitetet e shoqatës sime Capitaine du Coeur në Senegal, ka thënë ai fillimisht.
“Filluam të ndërtonim një klinikë në fshatin e prindërve të mi. Kam shumë projekte për të ndihmuar të rinjtë”.
“Unë jam mysliman, po arrij në një vend ideal për mua dhe familjen time”.
“Nuk më pëlqen të jem në bankinë duke mos bërë asgjë. Preferoj të shkoj atje ku më dëshirojnë vërtet”, ka shtuar më tej mbrojtësi senegalez, duke e lëshuar një “kunj” ndaj Chelseat se, sipas tij, nuk e mbështeti plotësisht.
Discussion about this post