Pas daljes nga Big Brother VIP, Sarah dhe DJ PM, kanë vendosur që të jenë më të rezervuar rreth lidhjes së tyre, duke postuar rrallë në rrjetet sociale foto a video së bashku dhe në intervista kanë thënë se tashmë është koha që ata të njohin njëri-tjetrin larg vëmendjes së publikut. Por, fakti që ata mundohen të qëndrojnë privatë ka bërë që shumë njerëz të mendojnë se mund t’i kenë dhënë fund lidhjes.
Ka qenë Kledi Hysa, ish-banori i “Big Brother VIP” ai që ka postuar një video me çiftin teksa janë të tre. “A u gëzuan?”-pyet Pm, kurse Kledi thotë: “Këta të dy do jenë gjithmonë bashkë.” Kështu modeli ka shuar çdo dyshim që mund të ketë lindur te njerëzit.
Jo më larg se ditën e djeshme, Sarah tha në një intervistë se po mundohen që romancën e tyre ta mbajnë larg syve të publikut sepse duan ta shijojnë vetëm të dy. “Unë dhe PM mundohemi ta mbajmë private lidhjen tonë. Nuk postojmë gjithë kohës. Njerëzit shumë herë mendojnë se mund të jemi ndarë. Por duam thjesht ta shijojmë lidhjen në privatësi.”
Discussion about this post