Deputeti i PD-së Klevis Balliu foli për News 24 mbrëmjen e sotme me lidhje live nga Kuvendi, aty ku pritet të votohet për reformën territoriale.
Balliu u shpreh skeptik për disa deputetë kanë dalë kundër reformës, duke thënë se do vijnë e të votojnë si “çeço”.
Deputeti shtoi se Rama i kërcënon socialistët me dosje, prandaj i detyron të votojnë pro reformës që të vijojnë të vjedhin qytetarët.
Balliu: U ngrit një si dyshim që nuk janë votat. Kam qenë i bindur që deputetët e PS do votojnë të gjithë në rresht si çeço sepse janë të gjithë të kapur në afera të ndryshme. Nuk ka asnjë shpjegim tjetër për asnjë deputet që këshillat bashkiakë të vetët u thonë mos e votoni dhe votojnë këtu e votojnë.
Ata deputetët që flasin kundër reformës do vijnë këtu dhe do e votojnë reformën. Për Braçen, Elisën, do e votojnë si çeço. Do votoni u ka thënë Rama, ose do ikni. Këta nuk janë parti. Nuk kanë ide. Janë për të vjedhur. U duhet pushteti që të vazhdojnë të vjedhin. I kërcënon me dosje. Me atë farë drejtësie që kemi ne, me Lubinë që kemi ne, do vijë Lubia vërdallë të votojë.
Dhe na bëjnë moral këta jo reforma. Lubia është në drejtim të paditur. Do votojnë si çeço. Është një turp. Tregon dhe degradimin e këtij parlamenti.
E kanë të mbyllur. Ata qeshin dhe vetë kolegët e PS tallen me ta. i thashë Elisës në fjalim do votosh me Belindën reformën apo jo.
Kjo reformë është me agjendë shpopullimit të Shqipërisë. Do i jepet goditja finale, njerëzit do largohen masivisht. Kjo reformë bëhet me qëllim shpopullimin e vendit. Nuk bëhet kjo çështje për pushtetin lokal.
Discussion about this post