Ish-deputeti i PD, Klevis Balliu, ka komentuar sot situatën brenda PD. Gjatë një interviste televizive ai e ka quajtur vendimin e Bashës për të mbledhur Kuvendin me 18 dhjetor si shenjë që tregon panik. Sipas tij, Basha është i trembur nga mbledhja e firmave dhe nuk di si të mbrojë karrigen e tij.
“Shpikja e Bashës për 18 dhjetorin është qesharake. Kjo lëvizje qesharake nxori në pah dhe një të vërtetë të madhe hoqi në rendin e ditës mocionin për veten. Këto lëvizje vijnë për shkak se Basha është në panik. Ajo është një kryesi ilegjitime me sekretar të përgjithshëm ilegjitim dhe nuk merr dot vendime për Kuvend legjitim. Nëse ne do të kërkonim që mos t’i verifikonim, atëherë po do isha dakord me Gaz Bardhin. Këto duan të shpikin gjëra që nuk ekzistojnë. Kur dëgjon edhe nënkryetaren Grida Duma që thotë të shkatërrohet PD-ja, por vetëm të mbaj unë karrigen. Apo edhe Lulzim Basha… Kush i pyet këto?! Çfarë është karrigia vetëm për një zyrë 2 më 2.
Sipas Balliut, Sali Berisha do të marrë drejtimin e PD-së e madje do të mund edhe Edi Ramën dhe do të drejtojë sërish vendin. “Sali Berisha e ka mundur Edi Ramën në 2009, shqiptarët i ka marrë malli për zhvillim, që të shkojnë drejt BE-së, ku kriminelët nuk rrinë në Kuvend, i ka marrë malli për Sali Berishën për suksese, boll më me dështime. Duhet një njeri që di t’i bëjë këto punë”, tha Balliu, duke thënë se ka ardhur koha që PD të marrë pozicionin që i takon.
Discussion about this post