Ish-deputeti i PD, Klevis Balliu, ka komentuar sot Kuvendin e thirrur nga Basha me 18 dhjetor. Përmes një postimi në Facebook, e ka cilësuar atë si një anti-Kuvend i nxitur nga Rama.
Sipas tij, Rama bashkë me Bashën kanë si qëllim përjashtimin e demokratëve dhe shpërbërjen e PD. “Antikuvendi i Lulzim Bashës është tubim i Edi Ramës. Vetëm Edi Rama ka interes që Partia Demokratike të bëjë një antikuvend, ku për qëllim ka përjashtimin e demokratëve, përçarjen e demokratëve dhe shkatërrimin e PD, siç edhe tha zëdhënësja e Lul Bashës. PD do bashkohet në një Kuvend me datë 11 Dhjetor për një PD më të fortë, më të bashkuar dhe më të hapur”, shkruan Balliu. Sipas tij, të gjitha përpjekjet e tyre do të dështojnë, pasi 11 dhjetori do të ringrejë PD në pozicionin që meriton të jetë.
Discussion about this post