Pas afro tre vitesh, Inspektorati i Lartë i Drejtësisë ka shkarkuar nga detyra gjyqtarin Roland Hysi, i cili u akuzua nga një qytetare se i kishte kërkuar favore seksuale. Bëhet fjalë për historinë e ndodhur më 8 janar të vitit 2019, kur gjyqtari Hysi u denoncua në emisionin investigativ “Stop”.
Në këto kushte, KLGJ ka pranuar kërkesën e ILD-së për shkarkimin nga detyra të gjyqtarit të Fierit, Roland Hysi i cili u dënua nga gjykata me 3 vjet burgim, si dhe heqjen e së drejtës për të ushtruar funksione publike për një periudhë 5 vjeçare. Gjyqtari i Fierit u denoncua dy vite më parë se mori 500 euro dhe i kërkoi seks një gruaje për të vendosur në favor për kujdestarinë e fëmijës.
Bazuar në provat e administruara gjatë hetimit disiplinor, rezulton se ish-Gjykata e Shkallës së Parë për Krime të Rënda Tiranë më datë 17.10.2019, e ka deklaruar fajtor të pandehurin Roland Hysi për veprën penale “Korrupsion pasiv i gjyqtarëve, prokurorëve dhe funksionarëve të tjerë të drejtësisë”, dhe e ka dënuar me 4 vjet e 6 muaj burgim. Në zbatim të nenit 406 të K.Pr.Penale dënimin përfundimisht të të pandehurit R.H. me 3 vjet burgim, si dhe heqjen e së drejtës për të ushtruar funksione publike për një periudhë 5 vjeçare. Ish- Gjykata e Apelit për Krime të Rënda Tiranë, ka refuzuar ankimimin e të pandehurit R.H. dhe ka vendosur lënien në fuqi të vendimit të Gjykatës së Shkallës së Parë për Krime të Rënda Tiranë.
