Trajneri i Liverpool, Jurgen Klopp është ankuar sërish për kalendarin e ngjeshur në futbollin anglez siç është traditë për festat e fundvitit. Ndryshe nga kampionatet e tjera evropiane, anglezët nuk bëjnë pushime dhe skuadrat do të jenë në fushë edhe më intensivisht se në pjesën tjetër të sezonit.
Nesër luhet ajo që në Premier League quhet “Boxing Day”, një ditë e ngjeshur me shumë sfida emocionuese. Liverpool do të zbresë në fushë ndaj Burnley-t të drejtuar nga ish-kapiteni i Manchester City, Vincent Kompany.
Trajneri gjerman Jurgen Klopp në konferencën para ndeshjes u shpreh se: “Më shumë se dy orë stërvitje intensive intensive për 10 ditët e fundit nga një ndeshje në tjetrën”. Klopp ankohet edhe për mungesën e alternativave që ka në skuadër dhe ndeshjeve të shpeshta që duhet të mbulohen.
“Duhet të bëjmë ndryshime, përndryshe nuk e kapim dot ritmin”, shtoi ai.
“The Reds” do ta mbyllin dhjetorin me 8 ndeshje të luajtura, pa përfshirë atë që do të luajnë më datën 1 janar.
Ndërsa për trajnerin e Burnley, Vincent Kompany, “Boxing Day” është një ditë ndeshjesh që i ka pëlqyer gjithnjë. “Kurrë nuk sheh aq shumë fytyra të lumtura në stadium se sa në këtë ditë” u shpreh ai.
Discussion about this post