Daniel Craig, aktori që ka luajtur një prej filmave më të njohur në botë ‘Agjentin 007’ ka thënë se e sheh trajnerin e Liverpool, Jurgen Klopp si pasardhësin perfekt të tij për të luajtur si James Bond.
Por shefi i Liverpoolit ka frikë se fansat e filmit do të tronditeshin nëse do ta shihnin atë me pantallona të shkurtra noti të stilit 007.
Gjermani beson se 007 do të ishte një ferr për dashamirët e spiunit më të famshëm në botë nëse ai do shfaqte trupin e tij gati lakuriq në ekran. Në moshën 54 -vjeçare, Klopp është vetëm nëntë muaj më i madh se anglezi Craig.
Craig shpërtheu në të qeshura kur legjenda e Liverpool, Jamie Carragher e pyeti atë në ‘Sky Sports’ nëse Klopp do të bënte një “James Bond të mirë”.
Aktori i kënaqur u përgjigj: “Dua të them që e adhuroj, kështu që po. Unë kam qenë me fat që e takova disa herë.”
Klopp gëzon njëlloj idenë që ai të zëvendësojë Craig në rolin ikonik. Por ai do ta refuzonte atë, pasi shikuesit e filmave mund të duan të ecin në det, nëse e shohin atë duke dalë nga aty.
“Kam pasur fatin të takoj Daniel Craig disa herë dhe do të më mungojë si James Bond! Jam i lumtur ta shikoj atë duke bërë atë që bën. Me të vërtetë do të më mungojë si James Bond për të qenë i sinqertë “.-u shpreh gjermani.
Megjithatë diçka pozitive si për Klopp ashtu edhe për Craig është se Liverpooli ndodhet në krye të Premier League, përpara ndeshjes të së dielës në shtëpi me Manchester City./K.T/Gijotina.com
