Jurgen Klopp ka dhënë mendimin e tij për trajnerin e Feyenoordit, Arne Slot, i cili ka shanset maksimale për të zëvendësuar gjermanin te pankina e Liverpool nga sezoni i ardhshëm.
Liverpool ka qenë në kërkim të një trajneri të ri që nga fillimi i janarit, kur Klopp tronditi botën duke njoftuar se do të largohej nga posti i tij pas nëntë vitesh.
Klubi ka parë që ndjekjet e Xabi Alonsos dhe Ruben Amorim po përfundojnë në dështim dhe të dy do të kërkojnë të qëndrojnë në klubet e tyre përkatëse.
Kjo ka bërë që Liverpooli ta kthejë vëmendjen te holandezi Slot, i cili fitoi titullin e Eredivisie me Feyenoordin sezonin e kaluar.
Klopp u pyet për emërimin e mundshëm në konferencën për shtyp të Liverpool para ndeshjes përpara ndeshjes së tyre në Ligën Premier ndaj Ëest Ham.
“Unë nuk jam i përfshirë, nga ana e klubit. Do të doja shumë, nëse Arne është ai që dëshiron të marrë punën. Më pëlqen stili i ekipit të tij, gjithçka që dëgjoj për të si djalë – trajner i mirë”, ka thënë fillimisht Klopp.
“Do t’i thosha atij se kjo është puna më e mirë në botë. Klubi më i mirë në botë, njerëzit më të mirë”, përfundoi trajneri gjerman.
Discussion about this post