Jurgen Klopp ka bërë lëvdata të larta për Pep Guardiolën përpara ndeshjes së sezonit mes Liverpool dhe Manchester City.
Liverpool do të presë nesër Cityn, në kuadër të javës së 28-të të Ligës Premier League dhe kjo ndeshje mund të vulos pak a shumë edhe titullin kampion.
Dy skuadrat janë në formë shumë të mirë dhe në dy pozicionet e para, duke bërë që tifozët e futbollit mezi të presin këtë përballje.
Para ndeshjes, trajneri i Reds, Klopp u përkujdes ta lavdërojë rivalin e tij, Guardiola, duke e cilësuar si më të mirin në botë.
“Pep është trajneri më i mirë në botë. Nuk e di se si mund t’i gjykoj menaxherët nga e kaluara, por gjatë jetës sime ai është menaxheri i shquar. Unë shoh përsosmëri kur përballem me të dhe Pep është padyshim ky.
Sapo më thanë se kam një rekord pozitiv kundër Pep… Nuk e kam idenë se si ndodhi kjo për të qenë i sinqertë.
Më bëri një menaxher më të mirë duke u përpjekur të gjej zgjidhje. E di që jam mjaft i mirë edhe në atë që po bëj, nuk dua të tingëllojë si, ‘O Zot, jam i lumtur që jam këtu’, por ti më pyete për më të mirin: ai është më i miri.
Nuk mendoj se është një rivalitet, por e kuptoj pse e quani kështu. Nuk ka rivalitet. Të dy jemi vërtet konkurrues, të dy duam të fitojmë ndeshje futbolli dhe të dy jemi të bekuar me lojtarë vërtet të mirë në ekipet tona.
Nëse takohemi në të ardhmen do të jetë plot respekt. Nuk kemi pasur mundësi të takohemi më shpesh, por do të kishim shumë për të folur. Patjetër”, përfundoi gjermani.
Discussion about this post