Kontrolli i Lartë i Shtetit është institucion i cili duhet të kontrollojë dhe zbardh shkeljet nga institucionet e tjera për të mos lejuar vazhdimin e abuzimeve. Por, vetë ky institucion po kërkon të abuzojnë me buxhetin e shtetit. Së fundmi, KLSH ka paraqitur pranë Agjencisë së Prokurimit një tender, përmes të cilit kërkon që të “punësojë” një tjetër kompani, e cila do të ndihmojë KLSH në proceset e auditimit. Këtu qëndron problemi, pasi rregullorja i ngarkon KLSH-në të kryej vetë auditimet si institucione përgjegjës për këto çështje, pasi në fund të fundit për këtë paguhet nga shteti, por Kontrolli nuk pyet dhe ka vendosur që t’u shmanget përgjegjësive, ndërsa barrën t’ia hedh audituesve të tjerë.
Në tenderin e publikuara theksohet se KLSH do të paguaj një fond prej 18,105,174 lekësh pa TVSH për forcimin kapaciteteve profesionale në auditimin e Kontratave Koncesionare. Pra ky është një skandal i hapur, ku për të hetuar tenderët dhe koncesionet, KLSH paguan një kompani private duke shtuar kështu shpenzimet, në vend që të jetë iniciuesi për përdorimin me kujdes të tyre.
Në dokument thuhet se, deri më tani ka garuar vetëm një kompani, por ajo është shkualifikuar me pretendimin se nuk i plotësonte kriteret, pra ka shumë gjasa që në fund ky tender të jepet pa garë dhe të klasifikohet në “RedFlag”, çka krijon më shumë hapësira për abuzime.
Sakaq, ajo që na bie në sy është shumë 18,105,174 lekë që KLSH po shpenzon për detyrën që duhet të krye vetë. Rregullorja përcakton që KLSH mund të bashkëpunojë dhe konsultohet me institucione të tjera, por jo t’i japë këtë shumë marramendëse një kompanie private. Më sa duket KLSH druhet të mbajë përgjegjësi për shkeljet qe po zbardhen çdo ditë, sidomos nga entet publike, për të cilat po flitet shumë edhe në medie dhe ka zgjidhur që këtë detyrë ta atribuojë diku tjetër. Në këto kushte, evidentohet se institioni që duhet të zbardh skandalet, bëhet pjesë e skandalit të radhës dhe kostot sigurisht shkojnë mbi taksapaguesit.
Discussion about this post