Kontrolli i Lartë i Shtetit ka bërë publik një raport auditimi mbi parkimet në Bashkinë e Tiranës dhe atë të Korçës. KLSH tërheq vëmendjen mbi gjobat e vëna duke këshilluar se duhet përcaktim i duhur i çmimeve të gjobave për shkelësit e rregullave.
Sipas KLSH, përcaktimi i duhur i gjobave është domosdoshmëri në menaxhimin e parkimit.
Lidhur me problemin me vendet e parkimeve që drejtuesit e mjeteve hasin, KLSH argumenton se është i domosdoshën menaxhimi i qëndrueshëm i parkimit në qytet, në mënyrë që kostot për qytetarët të mos jenë të larta.
Në këtë raport janë rreshtuar dhe disa avantazhe që do të sillte menaxhimi i parkimit.
1. Menaxhimi i parkimit kontribuon në zhvillimin e qëndrueshëm të lëvizshmërisë urbane dhe për këtë arsye rrit dhe cilësinë e jetës në qytet’
2. Menaxhimi i parkimit çon në zvogëlimin e kohës së nevojshme për gjetjen e një vendi parkimi duke, reduktuar kështu trafikun në qytet;
3. Studimet kanë treguar se kosto e menaxhimit të parkimeve ka një nivel të lartë provueshmërie nga qytetarë. Njerëzit zakonisht ankohen përpara se parkimi të menaxhohet në mënyrë aktive, por kundërshtimi fillestar bie kur ata kuptojnë ndikimet e saj pozitive;
4. Menaxhimi i parkimit mbështet ekonominë lokale;
5. Menaxhimi i parkimit kontribuon në sigurinë rrugore;
6. Standardet e parkimit të zgjedhura me kujdes ndikojnë pozitivisht vlerën e pasurive të paluajtshme;
7. Menaxhimi i parkimeve, rrit të ardhurat e bashkive, duke ndikuar pozitivisht në rritjen e investimeve në qytete; etj.
