Skuadra e Çelsit nuk ka në plan të ndalet në merkaton e verës dhe tashmë pasi ka blinduar sulmin me afrime të shumta, londinezët kanë firmosur edhe me një portier. Bëhet fjalë për 23-vjeçarin serb Xhorxhe Petroviç i cili aktivizohej në MLS me New England.
Petroviç luante në të njëjtën skuadër me Vrionin, ndërkohë që e ardhmja e tij do të jetë Premier Liga angleze. 23-vjeçari ka firmosur me “Blutë e Londrës” një kontratë që e mban të lidhur për 7 sezone, me opsion rinovimin edhe për një tjetër vit.
Çelsi nuk u duk se do të ndërhynte në merkato, por pak ditë më parë huazoi Kepan te Reali i Madridit për shkak të dëmtimit të Kortuas. Menjëherë, blutë e Londrës kanë ndërhyrë duke plotësuar hapësirën e lënë nga portieri.
Discussion about this post