Kërkesa zyrtare për të marrë pagat e prapambetura bëri që Konyaspor të vendoste pezullimin e Sokol Cikalleshit. Megjithatë, klubi turk e kuptoi shpejt gabimin, mbi të gjitha në fushën e lojës, ku u turpërua me rezultatin 7-1 nga Fenerbahçe.
Duke qenë se futbollisti shqiptar është një prej emrave më të rëndësishëm të ekipit dhe kishte të drejtë në pretendimin e tij, tashmë drejtuesit ia kanë hequr pjesërisht pezullimin, duke e lejuar të kthehet në stërvitje.
Mbetet për t’u parë se kur do të nisë aktivizimi i sulmuesit kuqezi, që mban edhe shiritin e kapitenit, apo nëse ai do të shfrytëzojë merkaton e janarit për të gjetur një ekip të ri.
Discussion about this post