Jetojmë në një kohë kur futbolli është biznes shumë fitimprurës për të gjithë aktorët e implikuar me këtë sport. Pa asnjë dyshim edhe qeveritë e shteteve të ndryshme e kanë kuptuar me kohë këtë fenomen duke bërë çdo gjë për të fituar simpatinë e njerëzve nëpërmjet lojës më popullore në planet. Më e fundit, në rang kohor, është qeveria e Afrikës së Jugut.
Agjencia Kombëtare e Turizmit të Afrikës së Jugut, synon të imitojë kolegët nga Ruanda (partnerë të Arsenalit) dhe dëshiron të finalizojë një marrëveshje sponsorizimi me klubin e Tottenhamit.
Ka qenë presidenti i institucionit, Tandi Mahambehlala, i cili ka paraqitur propozimin që do të mbushte me 47.8 milionë euro arkat e gjelave të Londrës.
Megjithatë, propozimi ka shkaktuar një skandal në Afrikën e Jugut, ku qeveria kritikon legjitimitetin e shpenzimeve të tilla në një vend të karakterizuar nga probleme ekonomike që e kanë bërë të vështirë jetën e qytetarëve dhe kompanive. Mbetet për tu parë se si do të përfundojë kjo tratativë.
Discussion about this post