Agan Mjaki është përforcimi i radhës për klubin e Laçit. Kurbinasit kanë arritur akordin me mbrojtësin e Shqipërisë U21.
20-vjeçari i lindur në Holandë, aktivizohet në krahun e djathtë të prapavijës dhe vjen nga klubi i Groningenit.
Aty ku ka luajtur me skuadrën e të rinjve. Mjaki është vendosur nën urdhrat e trajnerit Stavri Nica, duke u aktivizuar në miqësoren ndaj Vorës. Takimi që u luajt në stadiumin e Laçit dhe përfundoi në barazim 0-0. Lojtari me origjinë nga Shkupi, u bë pjesë e Shqipërisë U21 në nëntorin e vitit të kaluar.
Dhe deri tani numëron 4 ndeshje me kuqezinjtë e Alban Bushit. Mjaki është përforcimi i gjashtë për klubin kurbinas.
Që më parë ka siguruar shërbimet e Ronald Sobowale, Luis Paolo Silva Junior, Orgi Cena, Khalil Taleb dhe Emanuil Guci.
Ndërkohë që portieri 18-vjeçar, Ortelio Biba, i cili ishte pjesë e ekipit të të rinjve, ka firmosur kontratën e parë (5-vjeçare) me bardhezinjtë.
Discussion about this post