Leicester, klubi që tronditi Anglinë duke fituar titullin në vitin 2016, mendon për përforcimet në merkaton e verës dhe në skenë kanë dalë dy emra së fundmi.
“Dhelprat” po mendojnë për transferimin e sulmuesit të kombëtares shqiptare, Armando Broja.
Chelsea ende nuk ka vendosur për të ardhmen e sulmuesit, që te Southampton shënoi 9 gola sezonin e shkuar. West Ham e do gjithashtu, ndërkohë që edhe te Newcastle është përmendur.
Leicester në listën e dëshirave ka edhe mesfushorin Christian Eriksen, për të cilin këmbëngul shumë edhe Manchester United.
Danezi kërkon një klub që lufton për trofe dhe pritet të ndryshojë skuadër këtë verë.
Discussion about this post