Koalicioni opozitar “Bashkë Fitojmë” çelin fushatën elektorale sot, e shtunë, 15 prill, në orën 12.00 në stadiumin “Air Albania”.
Kryedemokrati Berisha dhe kryetari i Partisë së Lirisë, Ilir Meta, do të jenë ata që së bashku do të japin mbështetjen e tyre ndaj kandidatit të opozitës për bashkinë e Tiranës, Belind Këlliçi.
Meta dhe forca që ai përfaqëson kanë dhënë mbështetjen e plotë për të gjitha kanditaturat e dala nga demokratët për të drejtuar 61 bashkitë e vendit.
Me sloganin “Ndryshimi në duart e tua” opozita do të nisë zyrtarisht rrugëtimin drejt 14 majit.
PD ka bërë publik edhe spotin e çeljes së fushatës, ku përmes mesazheve ftohen qytetarët të marrin pjesë në mitingun e kësaj të shtune.
Në videon e spotit bëhet një retrospektivë se si mbërriti PD e rithemeluar deri këtu.
Në mitingun e sotëm pritet të ketë 17 folës, ku padyshim koha më e madhe do të jetë për dy kryetarët e koalicionit, Berisha e Meta, por edhe për kandidatin për bashkinë kryesore të këtyre zgjedhjeve, Belind Këlliçi për Tiranën.
Mesazhet e spotit të PD:
Ejani të shtunën, 15 prill 2023 ora 12:00 në stadium!
Rikthehemi në ‘Arenë’, aty ku nisi Rithemelimi!
Më të fortë për mbrojtjen e pluralizmit e demokracisë!
Më të hapur me kandidatët e dalë nga vota juaj!
Më të bashkuar të gjithë ata që nuk janë marrë peng nga pushteti!
Ndryshimi në duart e tua!
#BashkëFitojmë
Discussion about this post