Në mbledhjen e sotme të Komisionit për Edukimin dhe Mjetet e Informimit Publik pati një seancë ndryshe. Teksa fliste anëtarja Enslemvera Zake nga grupi parlamentar i Partisë Socialiste, anëtarët e tjerë nisën të duartrokisnin e të uronin kryetarin Petro Koçi pasi kishte ditëlindjen.
Pas Zakes fjalën e mori demokratja Ina Zhupa e cila tha se pavarësisht se Koçi kishte ditëlindjen, kjo gjë nuk mund ta pengonte PD që të bënte opozitë.
“Faleminderit për fjalën zoti Koçi, atëherë edhe pse ju keni ditëlindjen, përfitoj që t’jua uroj, kjo nuk do të na pengojë që të bëjmë oponencë…sigurisht me buzëqeshje,” tha Zhupa.
Në komision po diskutohet në parim parim me Ministrinë e Kulturës projektligji “Për disa shtesa dhe ndryshime në ligjin nr. 35/2016 “Për të drejtat e autorit dhe të drejtat e tjera të lidhura me to”.
Discussion about this post