Deputeti socialist Petro Koçi tha se Partia Socialiste nuk do të bëhet mburojë politike e askujt që shkel ligjin.
Në studion e News24, Koçi tha se duhet një reflektim lidhur me atë se çfarë ka ndodhur deri më tani, duke shtuar se jo çdo gjë i duhet lënë sistemit.
“Duhet pasur kujdes në përzgjedhjen e njerëzve, duhet marrë në konsideratë opinion public. Nëse ka reagime nga opinion për një fushë të caktuar, atëherë duhet të refletohet, nuk mund t’ia lenë sistemit gjithçka nën kontroll, sepse duhen edhe njerëzit që kanë një moral”, tha Koçi.
Sa i përket urdhër arrestit ndaj ish-zëvendëskryeministrit Arben Ahmetaj, Koçi u shpreh i rezervuar duke thënë se nuk Ahmetaj nuk ishte qeveri.
Ndërsa për largimin nga vendi të ish-zëvendëskryeministrit, Koçi tha se është zgjedhje personale.
“Në fund të fundit këtë që ka ndodhur e ka nënshkruar vetë ai, heqjen e imunitetit, fillimin e ndjekjes penale.
Por parlamenti gaboi sepse u shpejtua shumë për t’i hequr imunitetin, sepse ka një procedurë dhe ajo që ndodhi mund të përdoret si një kartë për t’u mbrojtur nga avokatët.
Nuk mundet që Parlamenti, Komisioni i Mandateve dhe Parlamenti, të lëshojnë lloj-lloj episodesh që mund të mos kenë interes penal, por politik.
Ndaj edhe këtu duhet kujdes, pasi jo më kot SPAK ka thënë se nuk duhet të rrezikuar sekreti hetimor, dhe duke folur kaq shumë edhe mund të kenë dalë. Pra këto e ndihmojnë. Personat që kanë fuqi për të rrëzuar prova dhe penguar dëshmitarë nuk ka nevojë që të kenë imunitet”, tha Koçi.
Discussion about this post