Deputeti socialist, Petro Koçi ka komentuar dhe një herë situatën në Kadastrën e Fierit. Me anë të një postimi të bërë në rrjetin e tij social “Facebook”, Koçi shkruan se Kadastra është kthyer nga muze e korrupsionit në një atraksion për shushunja gjakthithëse të reja dhe të vjetra.
“Kadastra e Fierit po kthehet nga muze i korrupsionit dhe pisllëkut edhe në një atraksion për shushunja gjakthithëse të reja e të vjetra. Një koniukturë ndërvepruese, armike me moralin e qeverisjes së PS dhe të fitores së 25 Prillit. Jazek”, shkruan Koçi.
Dhe më herët, deputeti socialist ka kritikuar Kadastrën e qytetit nga ku ai ka dalë deputet se ka ndikuar negativisht në rezultatin e zgjedhjeve të 25 prillit. Koçi tha se trafikantë droge tashmë kanë legalizuar subjekte biznesi që fitojnë tendera publike. I menjëhershëm aso kohe, ishte reagimi i ish-drejtorit të Kadastrës në Fier, Ervin Bushi i cili i ka kthyer përgjigje deputetit duke i thënë se me deklaratat e tij po përçan socialistët.
Discussion about this post