Andi Tela dhe Ergys Mërtiri u përfshinë në një debat mbrëmjen e sotme në emisionin “Të Paekspozuarit” lidhur me aksionin opozitar në Kuvend.
Mërtiri, i njohur si një nga analistët e rreshtuar në krah të Lulzim Bashës, ka kritikuar aksionin opozitar, duke u shprehur se po i shërbehet Edi Ramës.
“Unë e shoh edhe si kockë që ua jep Rama. Si do të mbrohet pastaj Berisha nga SPAK?”, tha Mërtiri.
Debati:
Andi Tela: Kjo që po bën mazhoranca a është agresion? Ata po thonë nëse na jepni komisionet hetimore i kthehemi jetës normale parlamentare.
Ergys Mërtiri: Ata do të vijojnë të bëjnë zhurmë në parlament.
Andi Tela: Nuk e dimë këtë.
Ergys Mërtiri: Unë e shoh edhe si kockë që ua jep Rama. Si do të mbrohet pastaj Berisha nga SPAK?
Andi Tela: Ky aksion dhe bashkimi i opozitës, ka nisur përpara goditjes nga SPAK. E morëm vesh më pas ndjekjen penale.
Ergys Mërtiri: Lindi dy ditë para SPAK pra.
Andi Tela: Kur u mbyllet dera deputetëve? Ti thua po ndodhin këto, nuk ka problem, prapë është në faj opozita. Ti e gjykon opozitën edhe pse është viktimë.
Ergys Mërtiri: As këta nuk duan ta hetojnë Ramën, kanë hallin e tyre. Halli i Berishës është non-grata, SPAK-u dhe vula. Rama këtë do, të përmbysin karriget, të hypin nga kangjëllat.
Discussion about this post