Ish-deputeti dhe biznesmeni, Koço Kokëdhima, i cili prej vitesh mbron idenë e kultivimit të kanabisit, tha se industria e kanabisit farmaceutik, në të gjithë projeksionet është 58 milionë euro në Evropë në vitin 2022. Mbrëmjen e sotme në “Opinion”, Koço Kokëdhima u shpreh se 68% e amerikanëve kanë votuar pro kanabisit, ndërsa për përdorimin e tij mjekësor nuk ka më asnjë diskutim.
“Greqia deri në 2028 injekton 2 miliardë euro nga kanabisi mjekësor. Për Shqipërinë mund të jetë 500 mln euro, po ç’rëndësi ka, sikur edhe 1 dollar apo 1 euro të jetë, ka rëndësi. Asnjë qeveri nuk ka të drejtën që tu mohojë shqiptarëve, qoftë edhe sikur të jetë 1 i vetëm, që të kurohet me kanabisin mjekësor, nëse e ka të nevojshme. Në Gjermani vendimin e ka marrë Gjykata e Lartë” – tha Kokëdhima.
Discussion about this post