Eksperti i kriminalistikës, Ervin Karamuço, përmes rrjeteve sociale shprehet se nëse ka ndodhur dorëzimi i kodeve të aplikacionit Sky që ka përdorur Ervis Martinaj, i njohur si “mbreti i lojrave të fatit”, mund të zbulohen listë-pagesat e tij me policë dhe politikanë.
Karamuço thekson se nuk ka shanse që përmes kodeve të zbulohet mbi fatin e Martinajt, pasi aplikacioni SKY është mbyllur në 2021, ndërsa zhdukja e tij në 2022.
“Aplikacioni Sky EÇ është mbyllur në Mars 2021. Zhdukja e Vis Martinit ka ndodhur në Gusht 2022. Mendoj se çdo kod sekret i dhënë nga familjarët, ka pas gjasë të zbulojë fatin e tij. Ato kode nëse do të hetohen me seriozitet, do të zbulojnë listë-pagesën e tij me policë dhe politikanë”, shkruan eksperti i kriminalistikës
Reagimi i Karamuços ka ardhur pasi në media u njoftua se një person i afërt i familjes së Ervis Martinajt, është paraqitur në SPAK dhe ka dorëzuar disa kode të aplikacionit “Sky”, që janë përdorur nga ky i fundit para se të zhdukej.
Discussion about this post