Gazmend Koduzi, koordinatori i fushatës për shëndetësinë në Partinë Demokratike, ka tërhequr mbështetjen e tij për sekretaren e sapo emëruar për të përndjekurit politikë, Jonila Godole.
Fill pas botimit të këtij lajmi në faqen Rilindja Demokratike, Koduzi u tregua i gatshëm ta shpërndante këtë lajm në profilin e tij në Facebook. Koduzi ishte një nga zërat në PD, që ripostuan deklaratën e Godoles, e cila kërkonte distancimin e selisë blu nga ish-kryeministri Sali Berisha.
Por, sot është tërhequr. Pasi edhe vetë RD-ja e fshiu lajmin nga faqja Koduzi ka dalë të flasë për vlerat e Berishës në MCNTV.
“Koduzi: Berisha një zë i fuqishëm, vlerat e tij s’mund të shumëzohen me zero,”- është titulli i artikullit, të cilin koordinatori është kujdesur ta shpërndajë sërish në profilin e tij në Facebook, për të treguar sërish një distancim, por këtë herë nga Godole.
