Sulmuesi i talentuar i Barcelonës, Ansu Fati është vetëm një hap larg rinovimit me katalanasit. Lajmi është konfirmuar nga trajneri i ekipit blaugrana, Roland Koeman.
“Mund t’u them se Barcelona është shumë pranë rinovimit të kontratës së Ansu Fati dhe ky është një lajm mjaft i mirë, pasi bëhet fjalë për një djalosh që mund të shënjojë të ardhmen e klubit”, deklaroi Koeman.
Mediat spanjolle raportojnë se drejtuesit e skuadrës së Barcelonës janë të gatshëm t’i ofrojnë portugezit një kontratë afatgjatë me një pagë të majme për të mbajtur larg skuadrat e tjera europiane. Pas largimit të Leo Messit, Fati trashëgoi numrin 10, një tregues që në kampin e katalanasve besojnë shumë tek talenti europian.
