Vetëm disa ditës pas heqjes së blindave, Komisioni i Rithemelimit i Partisë Demokratike ka vendosur të bëjë disa ndryshime në godinën e selisë blu pas largimit të Lulzim Bashës.
Gijotina.com ka siguruar disa foto ku shihen disa punonjës që po lyejnë selinë, ku tashmë është hequr logoja e vendosur nga ish-kryedemokrati Basha teksa pritet të vendoset logoja e vjetër e PD. Po ashtu, sallat brenda selisë po rregullohen, ndërsa shihet se ka nisur puna për pastrimin dhe rregullimin e ambienteve.
Pas dorëheqjes së Bashës dhe vendimit të Gjykatës për njohjen e statutit të Berishës, gjërat kanë ndryshuar në shtëpinë e demokratëve. Pas heqjes së blindave, ndryshime pati dhe në grupin e medias në “WhatsApp”, ku janë hequr njerëzit “besnikë” të Bashës dhe në vendin e tyre janë futur anëtarë të Komisionit të Rithemelimit, si në rastin e Floriana Garos.
Ndërsa ditën e nesërme, Enkelejd Alibeaj ka thirrur në mbledhje grupin parlamentar, por nuk dihet nëse do të jetë dhe Komisionit i Rithemelimit apo ish-kryeministri Sali Berisha.
Discussion about this post