Bota e sportit ka marrë një lajm që nuk e priste aspak. Protagonist është Roger Federer, një nga tenistët më të famshëm. Mësohet se kampioni zviceran ka vendosur të tërhiqet nga fusha e blertë.
Vendimin e ka bërë të ditur vetë 41-vjeçari, i cili tha se nuk do të luajë më pas turneut “Laver Cup” që do të luhet në Londër muajin e ardhshëm. “Mesazhi i trupit tim së fundmi ka qenë i qartë”, tha Federer. “Kam luajtur më shumë se 1500 ndeshje në 24 vite. Tani duhet të pranoj se është koha ta mbyll karrierën time. Por i them tenisit, të dua dhe nuk do të të lë kurrë”.
Sportisti nuk është stërvitur në nivelin e duhur kohët e fundit për të dalë triumfues edhe një herë në një turne të Gland Slam, gjë që ka ndodhur për 20 herë në karrierën e tij.
“Dua t’i jap vetes edhe pak shpresë se do t’i kthehem tenisit në një mënyrë apo një tjetër. Jam realist, e di sa e vështirë është që të bëj një tjetër operacion në moshën që jam unë, por dua të ndihem mirë fizikisht”, tha Federer vitin që kaloi.
Discussion about this post