I ftohti siberian ka prekur pjesën më të madhe të rajonit dhe po ashtu edhe Shqipërinë. Pritet që edhe gjatë fundjavës të na shoqërojë moti me diell, por me temperatura relativisht të ulëta.
Meteorologia Lajda Porja thotë se problematikë do të jetë edhe parametri i erës, duke bërë që moti i ftohtë të ndihet më shumë.
“Diell por shumë ftohtë. Kthjellimet do të jenë prezente ditën e sotme, herë pas here do të ketë vranësira, nuk do të mungojnë reshjet e pakta të dëborës vetëm në zonat juglindore dhe verilindore. Temperaturat mjaft të ulëta do të ketë gjatë ditës së sotme.
Minus 4 dhe -5 minimalja dhe maksimalja deri në 14 gradë celcius. Fundjava do të sjellë përmirësim të dukshëm të motit, duke bërë që dielli të jetë present në të gjithë territorin shqiptar. Temperatura mjaft të ulëta për shkak të depërtimit të masave të ftohta me origjinë lindore, duke bërë që minimalet të jenë -7 gradë.
Zonat më të ftohta në verilindje, Peshkopia dhe Bulqiza. Minus 4 dhe -5 në qarkun e Korçës dhe temperaturat maksimale nuk do të kalojnë 12 gradë celcius. Parametri i erës herë pas here bëhet problematike, do të jetë një erë jo shumë e fortë, por e ftohtë, e cila është lindore dhe verilindore, duke bërë që moti i ftohtë të ndihet më shumë.“, u shpreh ajo.
Discussion about this post