6.5 kilogram kokainë u kapën në një konteiner në portin e Durrës pasditen e sotme. Sërish kokaina u kap në konteinerin e kompanisë ‘’Alba Exotic Fruit’’ pasi 10 ditë më parë iu kapën 11.5 kg.
Raportohet se u kontrolluan 10 konteinerë dhe në një prej tyre u gjet kokaina e ndarë në disa pako.
Edhe ky konteiner ishte me fruta ekzotike teksa kokaina në portin e Durrësit vjen kryesisht nga Ekuadori dhe si mjet përdoren konteinerët e kompanive shqiptare të import-eksportit.
Më parë është arrestuar menaxheri i kompanisë “Alba Exotic Fruit”, Bajron Gumeni si dhe është shpallur në kërkim administratori Eduart Dauti.
