Policia malazeze ka mundur të vër në pranga ditën e sotme, njërin nga autorët që po transportonte drogën e gjetur dje në pikën kufitare të Debeli Brijeg. Kujtojmë se, pas kontrollit të një automjeti me targa shqiptare, policia ka gjetur 37 kg kokainë dhe menjëherë u vu në kërkim të autorëve. Në këtë kuadër ditën e sotme ka arrestuar shqiptarin me inicialet P.S 55 vjeç. Sakaq, bëhet me dije se me të ishin edhe dy persona të tjerë po shqiptare, të identifikuar me inicialet E.S., 50 vjeç dhe S.S., 18 vjeç.
Kujtojmë se, lënda narkotike u zbulua një ditë më parë, gjatë kontrollit që policia i bëri makinës. Droga ishte e ndarë në 35 pako dhe ishte fshehur në një vend, të përgatitur enkas. I arrestuari akuzohet se ka kryer veprën penale të prodhimit, posedimit dhe shpërndarjes së lëndëve narkotike. Për këtë polica malazeze ka shtuar kontrollet në kufij, pasi janë konstatuar shumë raste ku shqiptarët përdorni këtë pikë kufitare për të dërguar drogën nga Shqipëria në Europë.
Discussion about this post