SPAK sekuestron anijen “Unistream” ku u gjet kokainë. Anija erdhi në Portin e Durrësit nga Kolumbia. Në anijen “Unistream” u gjetën 59 kg kokainë. Kujtojmë se ngarkesa u kap gjatë muajit të kaluar. Kokaina u kap në hambarin e anijes “Unistream” me flamur të Antigua Barbuda nga Ishujt Karaibe. Ajo ishte e ndarë në 53 pako, në 2 çanta. Policia bëri kontroll me qen antidrogë, por nuk e pikasën kokainën. Ajo është nisur nga porti i Barranquilla në Kolumbi në 26 prill në orën 11:32 dhe ka mbërritur në Portin e Durrësit në 16 maj.
Kjo nuk është hera e parë që kapet drogë në Portin e Durrësit. Hera e fundit ishte në 5 prill ku u kap 1 kg heroinë, teksa ndër sasitë më të mëdha ka qenë ajo në janar ku u kapën 119 kg kokainë të ngarkuara me kamionët me banane.
Discussion about this post