Policia e Shtetit ka dalë në njoftim zyrtar lidhur me kokainën e sekuestruar në Portin e Durrësit, në kontejnerin e kompanisë “Alba Exotic Fruit”.
Në njoftim shkruhet se në kontejnerin e ngarkuar me banane, ardhur nga Ekuadori, për llogari të kësaj firme, u gjetën dhe u sekuestruan 8 pako me lëndë narkotike të dyshuar kokainë.
Gjithashtu, është arrestuar në flagrancë B. G., menaxheri i firmës dhe është shpallur në kërkim administratori i firmës shtetasi E. D.
Kjo është hera e katërt që në kontejnerët e kompanisë së Eduard Dautit gjendet kokainë. Policia kufitare po vijon hetimet në port, ndërkohë që operacioni ende nuk ka përfunduar ende.
