Policët e grupit të gatshëm të komisariatit të Ankonës kanë arrestuar një të ri shqiptar pa dokumente të rregullta qëndrimi në Itali.
Lidhur me ngjarjen, bëhet me dije se shqiptari, i cili kishte mbërritur në Itali pak javë më parë, i ishte nënshtruar një kontrolli nga agjentët e policisë të cilët i gjetën 50 gramë kokainë, lëndë përzierjeje dhe mjete për konfeksionimin e dozave të drogës. Gjithashtu, i riu strehohej në një kantinë të vjetër çka ua vështirësoi policëve gjetjen e vendbanimit të tij.
Nga ana tjetër, lidhur me ngjarjen gjatë kontrollit i gjetën fillimisht 30 gramë të fshehur në kantinë, pastaj 20 gramë të tjerë në makinë, të fshehura në një hapësirë poshtë butonave të hapjes së dritareve. Atij iu sekuestruan edhe 9 mijë euro që mendohet se vijnë nga aktiviteti i shitjes së drogës.
Tashmë shqiptari gjendet në burgun e Montacutos, në pritje të procesit.
Discussion about this post