Forcat e Posaçme “Shqiponja”, në bashkëpunim me Seksionin për Hetimin e Narkotikëve kanë goditur një tjetër rast të shpërndarjes së drogave të forta ku kanë rënë në pranga dy shtetas.
Policia ka arrestuar në flagrancë Besart Kamberi 26 vjeç dhe Ernest Demiri 24 vjeç.
Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, në bazë dhe të informacioneve të marra në rrugë policore policia ka ndaluar automjetin tip ‘Fiat’.
Gjatë kontrollit të ushtruar në automjet u gjet një sasi lëndë narkotike kokainë e ndarë në doza gati për shitje, të cilat u sekuestruan në cilësinë e provës materiale së bashku me automjetin.
Materialet i kaluan Prokurorisë pranë Gjykatës së Shkallës së Parë Dibër për veprën penale “Prodhimi dhe shitja e narkotikëve”.
Discussion about this post