Policia italiane ka arrestuar dy shqiptarë, pasi tentuan të arratiseshin me makinë gjatë një kontrolli policor në Badoere, një fshat i Morganos në Itali. Dy shqiptarët ndodheshin në një mjet tip Audi, kur kanë vënë re praninë e karabinierëve, që po bënin kontrolle rrugore. Të dy në mënyrë të shpejtë u përpoqën të bënin një kthesë, duke tentuar të arratiseshin, por policia u është vënë nga pas duke i urdhëruar të ndalonin.
Drejtuesi i mjetit ishte një 23-vjeçar, ndërkohë që pronari i makinës ishte në sediljen e pasagjerit. Duke kontrolluar kabinën e Audi-t, karabinierët e stacionit Castelfranco Veneto gjetën disa doza kokaine të fshehura midis sediljeve. Kontrolli ka vijuar në shtëpinë e 25-vjeçarit shqiptar, pronar i Audit dhe banues në Marca.
Brenda shtëpisë karabinierët zbuluan të fshehur mes rrobave në një gardërobë, një pistoletë gjysmë automatike e kalibrit 9×21 e markës Para-Ordnance e cila rezultonte e vjedhur në vitin 2018 nga një shtëpi në Ponte dell’Olio, në provincën e Piacenza. Arma e vjedhur ishte gati për përdorim, në karikator kishte 15 fishekë. 25-vjeçari u arrestua në flagrancë: akuzat ndaj tij janë: marrja e sendeve të vjedhura dhe armëmbajtje pa leje.
Discussion about this post