Evi Kokalari, aktiviste shqiptaro-amerikane, përmes rrjeteve sociale, thotë se ka denoncuar një mikun e ish-kryeministrit Sali Berisha në FBI. Kokalari pretendon se ka marrë kërcënime me jetë nga ai.
“Ah, më kujto të të tregoj për një mikun tonë, në fakt më shumë tuajin, që në fakt u mundua të më trëmb rrugës se i thashë që ti mund të jesh idhull për ata, jo domosdoshmërisht për mua. E denoncova në FBI meqë kisha dhe dëshmimtar, se helbete si Amerikane s’kam pse e lë veten të ekspozuar ndaj njerëzve që jo vetëm më kërcënojnë jetën por kanë dhe kapacitetin ta bëjnë”, shprehet Kokalari.
Kokalari përgjatë statusit të saj teksa shprehet edhe për çështjen e inceneratorëve, thotë se Berisha i hakërrehet vetëm kryebashkiakut Veliaj, por Ramës shumë rrallë. Për këtë arsye thotë ajo “Veliaj nxorri zarin e tij, Qorrin, që të na tregojë kullën e Shtufit e të thotë: “Ja ku e keni o budallenj.”
Në postimin e saj të gjatë, Kokalari që pritet të nisë bisedimet me Lulzim Bashën, sikundër vetë ajo e ka paralajmëruar, duke iu drejtuar Berishës shkruan “kur të jem në Tiranë, nëse dëshiron, ulemi dhe të mund t’ju shpjegoj dhe juve çfarë hoqa nga Këlliçi, monstrat e Metës këtu në Amerikë, portalet e kokainës që financoheshin nga Ahmetaj, por dhe nga degjenarata e tritolit që e vure në krye të gjykatës së foltores dhe ironikisht në emër të lirisë së fjalës e justifikove për shpërndarjen e fotos së fallcifikuar sikur kisha dalë me Veliajn, a thua se isha unë e shitura”.
Discussion about this post