Kolegji Zgjedhor ka rrëzuar padinë e Partisë Demokratike për mosregjistrimin e koalicionit Meta-Berisha në zgjedhjet e 14 majit.
Koalicioni “Bashkë Fitojmë” do të vijojë të jetë ne fuqi, sipas vendimit të kryetarit të Komisionit Qendror të Zgjedhjeve Ilirjan Celibashit.
Sokol Ibi, Manjola Xhaxho, Edlira Petri, Esmeralda Xhili dhe Alma Kolgjoka shqyrtuan kërkesën.
Partia Demokratike e drejtuar nga Enkelejd Alibeaj iu drejtua Kolegjit me arsyetimin se Berisha ka kryer shkelje të rëndë ligjore duke përdorur simbolet e PD-së, siglën dhe emrin për t’u regjistruar në koalicion.
Ata kërkuan të bënte çregjistrimin e këtij koalicionin, dhe të gjendej një rrugë tjetër për regjistrimin e tyre në këto zgjedhje, pa përdorur elementë përbërë të partisë zyrtare.
Kjo kërkesë nuk është pranuar nga Kolegji, i cili vendosi të lërë në fuqi vendimin e kryetari të KQZ-së.
Discussion about this post