Kolegji Zgjedhor ka rrëzuar kërkesën e Partisë Demokratike, për përjashtimin e shtatë prej tetë anëtarëve, pas pretendimit se nuk janë të paanshëm në dhënien e vendimeve.
Partia Demokratike kërkoi përjashtimin e 7 gjyqtarëve të Kolegjit Zgjedhor të cilët vendosën të rrëzojnë kërkesat e tyre për përsëritje të zgjedhjeve në 3 qarqe dhe sipas saj nuk garantojnë paanshmëri për 6 të tjerët.
PD theksoi se vazhdimi i ankimimeve me të njëjtën trupë zgjedhore, e cila është shprehur 3 herë me radhë kundër kërkesës së PD për transparencën e zgjedhjeve, është në shkelje të parimeve themelore të Gjykatës së Strasburgut për dhënien e drejtësisë.
