Kolegji Zgjedhor ka rrëzuar sot padinë e koalicionit “Bashkë Fitojmë”, të cilët kërkonin ripërsëritjen e zgjedhjeve në Bashkinë e Elbasanit.
Pas shqyrtimit të kërkesë padive, Kolegji Zgjedhor ka vendosur rrëzimin e tyre, duke lënë në fuqi rezultatin e dalë më 14 maj.
Koalicioni “BF” pretendoi se nga kqyrja e pamjeve filmike kishte konstatuar shkelje në procesin e votimit dhe ankimoi rezultatin përfundimtar të zgjedhjeve për kryetar dhe këshill bashkiak, duke kërkuar përsëritje zgjedhjesh me votim tradicional.
Gjatë seancës, pala paditëse paraqiti prova të reja duke dorëzuar një USB, që sipas tyre, kishte brenda shkeljet e konstatuara nga pamjet filmike, që kandidati dhe stafi kanë arritur të identifikojnë deri në ditën e gjyqit.
Trupa Gjyqësore i pranoi provat e reja pavarësisht kundërshtimit të Partisë Socialiste, si palë e interesuar në proces, por në fund vendosi për rrëzimin e padisë.
Discussion about this post