Partizani arriti një fitore fantastike me katër gola përballë Teutës në transfrertë, në javën e 9-ë të Superiores. Trajneri italian i “Demave”, Xhiovani Kolela, u shpreh i lumtur për këtë sfidë.
“I lumtur jam kur kam fituar ndonjë gjë dhe tani nuk kam fituar asgjë. Sa i përket faktit të golit nuk kam qenë asnjëherë i shqetësuar se një skuadër që godet shumë portën, golat herët a vonë do i bëjnë. Pastaj mendoj se jemi të kënaqur që jemi të parët në fund të fazës. Por mendoj se kjo ka pak rëndësi për momentin.
Kartonët e verdhë për protesta mund të evitohen, atëherë do të shqetësohesha. Por nëse i marrin për ndërhyrje gjatë lojës, kjo gjë edhe më ka pëlqyer.
Duhet të vazhdojë të krijojmë raste dhe shënojmë gola, kjo është e rëndësishme. Sot ka bërë Hoti dy gola dhe shpresoj që në ndeshjen tjetër të jetë Cara se e meriton. Pastaj të fitosh 4-1 jashtë, nuk është vetëm një rezultat i mirë, por një tregues që jemi aty.
Nëse do të dija, do të bëja një punë tjetër, do të isha në pension me shumë para.
Edhe në miqësoren e parë te Partizani ka fituar ndaj Teutës, ndoshta duhet të vijmë më shpesh të luajmë në Durrës se mund të duket fatsjellëse”, u shpreh Kolela për “Oversport”.
Discussion about this post