SHBA ka dërguar ekspertë të shpëtimit të pengjeve për të këshilluar Forcat e Armatosura izraelite (IDF) për lirimin e 150 pengjeve – ndoshta duke përfshirë disa amerikanë – të rrëmbyer nga Hamasi gjatë sulmit të përgjakshëm në Izrael.
Sipas burimeve të cituara nga faqja e internetit The Messenger, Shtetet e Bashkuara kanë dërguar këshilltarë nga komuniteti i inteligjencës për të mbështetur një ekip të operacioneve speciale amerikane të vendosur në ambasadën amerikane në Izrael.
Sekretari amerikan i Mbrojtjes, Lloyd Austin konfirmoi të martën se SHBA ka “njerëz në terren” që do të ndihmojnë autoritetet izraelite “me inteligjencë dhe planifikim” për operacionet e mundshme të shpëtimit të pengjeve.
Austin tha se Pentagoni ka një “ndërlidhës thelbësor” në Izrael që punon me forcat speciale izraelite. Ai deklaroi gjithashtu se SHBA- ja ka aftësinë të “dislokojë me shpejtësi burime të tjera në rajon”.
Discussion about this post