Përgatitjet e Kombëtares për sfidën e radhës në Nations League ndaj Bjellorusisë kanë hyrë në fazën përfundimtare, ndërsa stafi teknik po punon për të përcaktuar formacionin që do të zbresë në fushë.
Në seancën stërvitore të zhvilluar nën drejtimin e trajnerit Maran, fokusi kryesor ka qenë te puna taktike, me skuadrën që ka provuar skema dhe variante të ndryshme si në fazën mbrojtëse, ashtu edhe në atë sulmuese.
Megjithatë, vëmendja e stafit teknik është përqendruar edhe te gjendja fizike e disa prej lojtarëve kryesorë.
Shqetësimi kryesor lidhet me mesfushorin Kristjan Asllani, i cili ka zhvilluar stërvitje të diferencuar nga pjesa tjetër e grupit. Ai po ndjek një program të veçantë për menaxhimin e ngarkesës fizike, duke e bërë ende të paqartë nëse do të jetë në gatishmëri të plotë për përballjen me Bjellorusinë.
Edhe mbrojtësi Çake vijon procesin e rikuperimit nën monitorimin e stafit mjekësor, teksa po punon për të arritur formën optimale përpara ndeshjes.
Pavarësisht këtyre shqetësimeve, trajneri Maran ka vijuar punën intensive në aspektin taktik, duke testuar alternativa për të mbuluar çdo mungesë të mundshme.
Vendimet përfundimtare për formacionin startues pritet të merren pas vlerësimit të fundit mjekësor për Asllanin dhe Çaken, ndërsa stafi teknik do të përcaktojë më pas lojtarët që do të nisin nga minuta e parë ndaj Bjellorusisë.
gijotina.com/
Discussion about this post