Trajneri i Polonisë para ndeshjes me Shqipërinë: Nuk bëjmë ndryshime në ekip

Trajneri Jan Urban nuk ka humbur asnjë ndeshje që kur mori drejtimin e Polonisë, duke ndryshuar ekipin që ka rritje në rezultate.

63-vjeçari po kërkon të vijojë këtë ecuri pozitive edhe në ndeshjet play-off për Kupën e Botës 2026, dhe për ta arritur i ka besuar të njëjtit grup futbollistësh që do të jenë të gatshëm për Shqipërinë.

“Diskutuam edhe për lojtarë të tjerë që mund të thirreshin, por nuk është koha për eksperimente. Prandaj, shumica dërrmuese, përveç Oskar Pietuszewski, janë lojtarë të cilët e kanë provuar veten tashmë në ekipin kombëtar.”

Skuadra e Jan Urban ka probleme me portën pas lëndimit të Skorupski, ndërsa nuk mungojnë në listë emra të njohur, si Lewandowski apo Zielinski. Polonia ka 8 përfaqësime deri më tani në fazën finale të Kupës së Botës, e fundit në edicionin e kaluar.

gijotina.com/