Kombëtarja shqiptare e futbollit ka vijuar këtë të martë me ditën e dytë të përgatitjeve për Ligën e Kombeve. Në “Shtëpinë e Futbollit” në Tiranë, me ekipin janë bashkuar edhe Uzuni, Mihaj, Mitaj dhe Ardian Ismajli, me këtë të fundit që zëvendëson Berat Gjimshitin e dëmtuar.
Pjesë e përgatitjeve të kuqezinjve janë disa emra nga U-21, mes tyre edhe Feta Fetai, mesfushori i Lokomotivës së Zagrebit.
Trajneri Sylvinho si fillim ka lënë të lirë ekipin me ushtime fizike, ndërsa më pas grupi është ndarë në disa pjesë në lojën me topin. Stërvitja e dytë ka qenë e hapur për mediet vetëm 15 minutat e para, me brazilianin që kërkon një performancë të mirë në Ligën e Kombeve.
Shqipëria do të luajë ndeshjen e parë ndaj Ukrainës në transfertë më 7 shtator 2024, në ora 20:45 në stadiumin “Epet Arena” të Çekisë, ndërsa tre ditë më vonë do të presë në “Air Albania” përfaqësuesen e Gjeorgjisë, takim që është planifikuar të nisë më 10 shtator në ora 20:45.
gijotina.com/
Discussion about this post