Në 20:45 e mbrëmjes së sotme do të fillojë një prej ndeshjeve më të rëndësishme në historinë e Kombëtares shqiptare. Skuadra ‘Kuqezi’ do të zhvillojë ndeshjen më të rëndësishme kualifikuese të Botërorit ‘Qatar 2022’ kundër Polonisë në stadiumin ‘Air Albania’.
Kjo është hera e parë që Kombëtarja renditet në vendin e dytë me plotë 15 pikë në këtë fazë të kualifikueseve, ndërsa ka marrë tre fitore radhazi dy kundër Hungarisë dhe një kundër San Marinos.
E ndjekur nga Polonia e vendit të tretë me vetëm një pikë diferencë, skuadrës sonë i duhet minimumi një barazim që të kalojë në fazën tjetër të Botërorit dhe në po ashtu të shënojë një moment historik që nga krijimi i Kombëtares në vitin 1932.
Ndeshja që do të luhet pas disa orësh pritet të jetë një finale për ‘Kuqezinjtë’, të cilët edhe pse pritet të kenë një sfidë ferri, do të bëjnë gjithçka që të realizojnë ëndrrën e të gjithë shqiptarëve, ndonëse duhet theksuar se me mungesën e Berat Gjimshitit që u dëmtua në ndeshjen me Hungarinë dhe të Sokol Cikalleshit që rezultoi pozitiv me Covid-19, të dy titullar ka për të qenë shumë më e vështirë.
Duhet theksuar se pavarësisht se rezultati i fundit midis këtyre dy skuadrave ishte shkatërrues për shqiptarët, mbështetja e lojtarit të 12-ë, tifozëve në ‘Air Albania’, të cilët do jenë 22 mijë vetë, pritet të sjellë një ndihmë të madhe për djemtë tanë.
Fitorja është një rezultat shumë i nevojshëm duke ditur se përballë në vazhdim do të kemi Anglinë, por edhe një barazim nuk do ishte skualifikues.
Tashmë, pak orë para fillimit të ndeshjes të gjithë janë me sy e zemër nga Kombëtarja./K.T/Gijotina.com
